Um fyrirtækið

Eitt elsta verktakafyrirtæki í landinu

Loftorka Reykjavík hefur starfað samfellt frá 1962. Félagið sérhæfir sig í jarðvinnuverkefnum, gatnagerð og malbikun.

Eldri vinnuvélar og vörubílar Loftorku á athafnasvæði.

Loftorka var í upphafi vélaleiga með loftpressur, en fljótlega tóku við stærri verkefni eins og lagning hitaveitu í ný hverfi á höfuðborgarsvæðinu. Síðan hafa fá hverfi verið byggð upp á höfuðborgarsvæðinu án þess að Loftorka Reykjavík hafi tekið þátt í því með einhverjum hætti.

Félagið hefur í samstarfi við önnur fyrirtæki komið að uppbyggingu hafna og virkjana, og vegagerðarverkefni hafa verið unnin víða um land.

Sagan í ártölum

1962
Loftorka stofnuð
Loftorka var stofnuð sem sameignarfélag af hjónunum Sigurði Sigurðssyni og Sæunni Andrésdóttur ásamt hjónunum Konráð Andréssyni og Margréti Björnsdóttur. Sæunn og Konráð voru systkini. Í upphafi var félagið vélaleiga með loftpressur, en fljótlega tóku við stærri verkefni, meðal annars lagning hitaveitu í ný hverfi á höfuðborgarsvæðinu.
1973
Hlaðprýði hf. keypt
Loftorka keypti malbikunarfyrirtækið Hlaðprýði hf. Malbikun hefur verið stór og vaxandi þáttur í rekstrinum allar götur síðan.
Upp úr 1980
Starfsemi hefst í Borgarnesi
Starfsemi hófst í Borgarnesi. Sigurður Sigurðsson sá um daglega stjórn í Reykjavík og Konráð Andrésson, búsettur í Borgarnesi, sá um starfsemina þar.
Upp úr 2000
Félaginu skipt í tvennt
Félaginu var skipt í tvö sjálfstæð félög, í Reykjavík og Borgarnesi. Staðarnöfnin bættust við Loftorku-nafnið til aðgreiningar. Félögin eru aðgreind, bæði hvað varðar eignarhald og rekstur.
2017
Ný kynslóð tekur við
Í ársbyrjun 2017 keyptu bræðurnir Ari Sigurðsson og Andrés Sigurðsson, ásamt eiginkonum sínum Önnu Ólafsdóttur Björnsson og Hjördísi Jónu Gísladóttur, Loftorku Reykjavík ehf. Ákveðið var að reka félagið í óbreyttri mynd og hefur það verið gert.
2022
60 ára afmæli
Félagið hélt upp á 60 ára afmæli sitt með starfsfólki og gestum að Miðhrauni 10.
2026
Forvarnaverðlaun VÍS
Loftorka Reykjavík hlaut Forvarnaverðlaun VÍS í mars 2026. Verðlaunin eru veitt fyrirtækjum sem hafa skarað fram úr í markvissu forvarnastarfi.